捕捉囡囡转身咬手指 杨潮凯：好有影写真feel

艺人杨潮凯捱咗咁多年，近年终于捱出头。为无綫效力多年的他，近年参演过《与谍同谋》、《不懂撒娇的女人》、《使徒行者2》等重头剧，事业渐上轨道。不过在今年3月升呢做老窦的杨潮凯心目中，囡囡的地位才是最重要。一向有玩开摄影的他，经常搵囡囡做模特儿，更将靓相上载到社交网与网友开心Share添。近日他又将亲手影的囡囡正面照放上网，并留言话：「呢个BB今日可以自己转身喇！点解可以咁劲㗎？原来见到佢做到呢个动作系会好感动㗎！#呢个pose好有影写真feel#Catharine#咬手指系咩玩法」囡囡转一转身已经可以令他开心大半天，所以囡囡系爸爸的前世情人呢个讲法真系冇讲错！照片一出，网友都大赞杨潮凯囡囡好可爱，更叫他以后要影多啲「小情人」的相片同大家分享咁话！