同容祖儿「处女合唱」 张敬轩化身MC Hins斗Rap英文

容祖儿与同门「闺蜜」张敬轩去年一齐开骚、上个月轩仔开红馆演唱会亦搵祖儿做头场嘉宾、又齐齐去日本旅行。最近二人终于推出合唱歌《Make a Beat》及拍广告。造型方面，轩仔一身Dandy Style，贵气之馀玩味十足；祖儿就一贯型格Dancing Queen。

首次出合唱歌，祖儿话等了好耐，「等到我呢几年都好攰啦，今次合唱同我哋平时喺骚上面合唱嘅歌唔同，之前我哋可能都系唱情歌为主，今次系R&B曲风主导，当中有一小部份系需要英文rap，系一个几新嘅尝试。」

至于轩仔就负责歌曲大部份英文rap，笑说：「以后叫我MC Hins吖唔该。第一次要rap咁多，所以一收到歌后都下过一番苦功，咬字同节奏要配合得好好。其实同事们都未听过我rap，首歌出咗之后，佢哋问我系咪外语歌，『咁多英文嘅？』突然之间觉得自己变咗一个西人。」