张敬轩邀做个唱嘉宾 胡定欣被嘲高低眉

张敬轩昨晚第二场「降两度」演唱会吸引到周慧敏、叶德娴、黎小田、汤宝如、胡蓓蔚、李施嬅 、泳儿、锺舒漫、卫诗雅等来捧场。轩仔化身成「降两度」，介绍嘉宾出场，笑说：「今晚呢位嘉宾来头不少，我投身音乐界之前，系投身电视界。本身接到个好剧集，点知开波前两日，先知被人抢咗个角色。我今晚就要公审佢，有请我哋视后胡定欣 ！」
原来轩仔跟定欣已经相识10多年，私下相当老友。定欣出场时，轩仔笑说：「我觉得你今日好靓！平日电视睇你著咁多布，今晚做咩著咁少？见你著古装，差啲认你唔到呀，高低眉！」定欣亦不甘示弱，笑说：「我平日够系见你著西装，今晚见你著番女装，我都差啲想呕啊！」
定欣透露轩仔每次开骚都有捧场，更想不到幻想成真，可跟轩仔同台，担任对方嘉宾。定欣自爆收到轩仔邀请时，开心到失眠。她笑说：「成晚都唔瞓，等天光可以即刻打电话畀监制，为做嘉宾请假！」随后，定欣就「太子妃」上身，笑对轩仔说：「睇路呀，妹妹！深宫条路唔系你想像中咁易行，最紧要系无悔无愧！」继而献献唱《无悔无愧》。

定欣今日在社交平台贴文，留言：「对于我黎（嚟）讲，寻（噚）晚系好难忘的一晚，呢次的演出不只是工作，背后存著很多意思，好开心好多锡我的人在场支持我，最重要的系，张敬轩...多谢您!~～多谢您对我的信任，多谢您俾（畀）我呢个第一次，呢段时间除左（咗）忙住排舞台剧，亦都好紧张呢次演出，寻（噚）晚唱完，终于有胃口食野（嘢）啦，哈哈！你继续GOODSHOW啦！Support U as always!~~~」。