钊峰拍MV眼泪鼻涕一齐流

梁钊峰作为C AllStar休团后首位单飞成员，第1首主打歌当然精心打造，诚邀郭伟亮（Eric Kwok）和黄伟文（Wyman）携手创作新歌《月亮不代表我的心》。为了宣传新歌，钊峰连日来走访全港30多个办公室玩busking造势，在同步推出的MV中，他化身「梁教授」以眼泪医心病。他说：「平时啲朋友和Fans都嫌我讲嘢长气又多道理，嗌我『梁教授』，喺新歌MV我索性幽自己一默，化身教授收集眼泪，帮助别人发泄情绪。」

钊峰称在感性的MV中演得尴尬，「每个人生理反应都唔同，而我喊嘅时候系流鼻水先过眼泪，加上最近唔系好够瞓，鼻水比较多、颜色又唔靓，拍MV嗰阵几乎变咗《喜剧之王》周星驰咁大笃鼻水跌出嚟，好尴尬！」C AllStar每次开骚钊峰例必第1个爆喊，他却否认是「喊包」：「我喺台上比佢哋3个冷血友易喊，但平时未必系我喊先，尤其是睇戏我好少喊。」

谈到创作班底，钊峰表示在C AllStar时代与Wyman合作无间，一直希望第1首独唱作品交由对方操刀制作，而Eric Kwok就是第1次合作，原来钊峰睇中其性格，他谓：「我系典型处女座，乜都好紧张、性格绷紧。好想知道碰到双鱼座嘅Eric会点？佢畀我感觉好型、好冷静，希望呈现另一个我，令人有唔同嘅感觉。」