古巨基拍片报平安：今晚如常红馆见

古巨基的红馆骚昨晚举行第二场发生意外，基仔唱完第一首歌《爆了》后，不小心跌落舞台中间个窿，大叫一声后，全场静默并熄灯。相隔约10分钟后，基仔行出台，表明唱多首歌再入后台睇伤势，幸最终再出场唱至完骚；完骚后为保安全，他亦第一时间到医院检查，之后他在脸书报平安，上载亲述伤势的片短，并宣布今晚如常开骚。
基仔一脸倦容，讲到伤势时都有摸著颈背。他说：「啱啱去咗医院做检查，照咗磁力共振，我其实落地个位系颈背下边，所以就照咗颈背位，啲骨系冇事，大家可以放心，仲有医生讲系啲Ｍuscle拉亲，所以你见可能有少少梗梗哋咁样，但呢个绝对唔影响我同大家演出嘅，所以大家放心，唔使担心我嘅，听日（今晚）照旧如常红馆见。」。