赞基仔正能量继续企台上唱歌 周慧敏：所以我都唔好喊

古巨基第二场红馆个唱请来周慧敏（Vivian）任特别嘉宾，在基仔堕台后上台的Vivian，一见基仔即揽到实，基仔安慰她，说：「我冇事，冇事，唔好吓亲。」Vivian就震晒咁话：「我的确系吓亲！不过我依家见到你，我好开心！感谢神，我会同你祈祷。」基仔又再安慰好友，说：「我系好人，好人个天一定会睇实嘅！」然后他向观众介绍，说：「阿靓女（Vivian）咁多年不单系我好朋友，我哋已经系家人咁亲，咁多年我都当有个好姐姐。」Vivian就笑著回应，说：「我当你系哥哥呀！有时当你系爸爸添，佢有时好怪兽家长㗎！你小心啲，你估你仲系基仔？你系基哥㗎啦！」基仔就幽默笑道：「吓死我，以为你会话我系基X添！哈哈！」
之后基仔落台换衫，Vivian独唱时非常小心，恐防再有意外，在台上边准备边说：「我唔会郁㗎啦！咦，点解唔见咗个交叉（mark位贴纸）㗎…？」
演出过后，Vivian表示基仔发生意外近5分钟之后，才有工作人员敢通知她，大家担心吓倒她，影响她演出情绪。她说：「我知道佢发生意外之后，惊到都唔识畀反应，但系我都冇法入到去睇发生咩事，只系冲出来后台口，望住个电视，等到佢升返上台嗰刻唱到歌，先安心。大家都预咗我可能上到台会喊，但系我同自己讲真系唔好喊，我一喊就影响晒我哋表演嗰两首歌，而且基仔咁正能量继续企喺台上唱歌，我都应该好坚强咁出台，带畀大家开心平安的感觉。佢发生咁大件事，可以完成晒个骚，我好佩服佢毅力。」（周慧敏脸书图片）