郑敬基介绍自家制洗头水 晒两公婆出浴片

53岁的郑敬基（Jeo）与细19岁的麦晓安（Angie）前年结婚，两人婚后甜甜蜜蜜，相当恩爱。郑敬基老婆早排自学刮痧，最近仲学埋自制洗头水，两公婆更拍出浴片介绍得意杰作。
话说阿Jeo今日在社交网出咗段片，一边出浴一边示范郑太制作的自家制环保洗头水。除咗阿Jeo本人，就连郑太亦粉墨登场，不过，不要以为出浴镜头好香艳，查实佢哋只拍头部位置，所以大家都系专心听郑太讲佢嘅洗头水啦。
郑太话，自家制洗头水可以其他胶樽循环再用，为地球减少一个胶樽，所以好环保。不过，佢哋似乎无教大家点制作环保洗头水，唔知几时开班授徒呢？

影片来源:郑敬基IG