【恶搞海报】五大女歌手夹埋开骚？ 何韵诗：钻石组合轮回演唱！

何超仪、林忆莲、卢凯彤、何韵诗、卢巧音，五位都是香港独当一面的女歌手。如果她们五人一齐开演唱会，大家愿意俾几多钱买飞入场呢？最近何韵诗在社交网甫了一张疑似演唱会宣传海报，何超仪、林忆莲、卢凯彤、何韵诗及卢巧音都在海报中亮相。海报以红色为背景色，五人都穿上黑色衫，色系非常统一。海报上大玩食字，写著：「摇滚大婶判 HKGBAND」，小标题更写著：「用实力与热情，打救BAND界！」由于制作认真，一眼望落去真系呃到人，以为她们一齐开演唱会！阿诗更好有心咁甫咗一个售票网网址，做戏做全套！

阿诗抵死咁留言话：「得喇得喇，系啊系啊，系真㗎，钻石组合轮回演唱！大家快啲霸头位抢飞啦！$50000VIP飞包握手包影相包生仔，好抵㗎！」她又叫朋友唔好再send张海报俾佢，因为她已收咗好多次咁话！虽然系恶搞，但网友都大赞这张海报好有创意，有网友话假得嚟都会想睇呢个组合开演唱会，更有网友话「睇一次笑十次」添！

其实阿诗亦在社交网甫咗另一张「摇滚大侠奏」的恶搞海报，恭硕良、单立文、黄贯中、夏韶声、邓建明惨成被玩对象。阿诗留言话：「据说本身系呢个show，点知俾我地抢晒版位，相信佢地比忆莲更无奈s。」