【I'm on fire】张敬轩人头变炉头 半裸玩火影海报

张敬轩今年6月开红馆骚，其演唱会海报相当抢眼，成个头著火，寓意团火燃烧出嚟。其实轩仔邀请了印度发型师Mr. Gala为他做火焰头发护理，受损及开叉发尾在燃烧后会自然脱落。成个头著火变BBQ炉头，轩仔不忘拍片留念，工作人员更啜核地用烧烤叉叉起棉花糖、牛扒、鸡翼作状烧嘢食。

轩仔边拍片边搞笑道：「我闻到头发嘅味，点吖喂。你睇我班同事几有人性，我以为自己呢个系人头，但原来我呢个系炉头，哗Cult到爆呢件事。（㷫㗎喎！）我冇理由Feel唔到㷫嘅。」发文最爱用Hashtag的轩仔更放笑弹话：「#真火爆小甜甜 #出火 个人头我讲紧 简直就系#为艺术而牺牲 #人体BBQ #imstillalive2018 其实系好安全嘅 #毛发 #我仲有好多 #买飞啦喂 #唔好问我啲飞我自己都扑紧 #有嘅话唔该话声过我知 多谢团队嘅精心策划，帮我远道喺印度同日本请师傅 #帮我出火」。

另外，相隔4年再开红馆骚，轩仔话最难系突破上次演唱会，「因为14年有谭玉瑛姐姐嗰part嘅《青春常驻》、有好sexy嘅系我同Shirley姐姐（关淑怡）嗰part嘅互动。一眨眼4年过去，今次呢个演唱会做乜嘢好呢？今次会拣好多我锺意嘅作品、大家好锺意嘅作品，用好唔同嘅形式去演绎出嚟。」