【找数真汉子】张敬轩出「广东碟」：烧畀我嘅Fans

张敬轩曾答应粉丝出广东碟、国语碟，今年他重新专注音乐事业，上月已推出新歌，向出碟目标迈进。轩仔亦自言2018是「找数年」，日前他做个找数真汉子，更上载片段到社交平台，拍下「找数」过程。今次轩仔「出碟」，一次过出广东碟同国语碟，行动力爆灯！

不过所谓的「碟」，其实是瓷碟，鬼主意多多的轩仔用心画瓷碟，画上「天师灵符」，他搞笑说：「我写咗出碟成功、出极都有。呢只碟几时出好？梗系7月啦，灵界大碟呀！」轩仔在两只碟上分别写上「广」、「东」，「我唔做呢行咋，我做呢行，一日可以出廿只碟呀！今日好好写晒啲碟，再烧畀我嘅Fans。」网民见轩仔写得一手靓字又识画花，赞他多才多艺，仲好想要只碟。