狂呻凑B辛酸 孙慧雪后悔囝囝先学识叫妈妈

孙慧雪去年7月诞下囝囝Riley，今年初尝带仔拜年的滋味，她昨晚现身主演的电视剧首播饭局，表示原本也想带埋囝囝出席，先问准老公以免老公担心，不过老公怕丑不肯同行，自己又搞唔掂，即呻新手妈妈的苦况：「我今年第一次带BB拜年，亦多谢咁多人畀利是BB；但原来带BB出街真系好有难度，每朝起身要整好晒BB全日的食物，整完已经腰骨痛，即刻谂起以前过年可以瞓到好晏，现在无可能了。以前仲会嬲啲人搵小朋友做藉口，但现在完全体会，亦唔希望将来会被人怪责。」

笑问还有甚么凑B血汗史分享？阿雪即说：「有呀！我本来好期待BB叫妈妈先，当BB学识了叫妈妈就不停咁叫，就算老公帮BB换尿片、喂食饭，甚至我化妆，BB都会不停叫妈妈，搞到我不停咁走来走去话妈妈向度，难怪别人说BB叫边个先就边个辛苦。虽然以前真系好想叫我先，但现在好后悔，事关好攰。（会否做全职妈妈？）我会继续工作，仲要努力工作，为BB做个好榜样。」