【金像奖】彭秀慧入围导演及编剧奖 欣宜争女配感惊讶

转战导演的彭秀慧改编同名舞台剧，自编自导电影《29+1》，她开心能够入围金像奖「最佳导演」、「最佳编剧」及「新晋导演」。「太意外，多谢投票嘅人，随遇而安。见到咁多提名非常惊喜，我预咗周秀娜入围，当欣宜入围女配角我系非常兴奋。最佳原创电影歌曲、原创电影音乐，由一开始我都好想佢哋得到认同，今次顺利入围，系开心到会喊。」

郑欣宜在电影《29+1》饰演乐天中女，并入围金像奖「最佳女配角」，她表示惊讶，估唔到有得角逐奖项，「我同导演彭秀慧讲，死啦，我唔系演员，我好惊我唔识呀，跟住佢畀咗好多信心我。佢一定要攞最佳导演奖，因为佢喺我心目中系最佳导演，如果唔系佢嘅话，我唔会有信心去做到黄天乐呢个角色。我讲到好似得咗奖咁，因为我完全冇谂到我会得到提名，因为我根本唔熟悉电影呢个世界，呢个世界唔系属于我，我搞音乐嘛，所以呢件事好癫、好癫呀！」

有份演出《救僵清道夫》的邵音音亦入围女配角奖，她笑指「咁多大片包围我，有报我个名真系好开心，恭喜所有入围嘅朋友，希望佢哋同我一样咁开心啦。」最佳女配角入围名单：
郑欣宜《29+1》
叶德娴《明月几时有》
吴彦姝《相爱相亲》
邵音音《救僵清道夫》
宝佩如《蓝天白云》