陈晓东变型爆大鲜肉 着Gaga牛肉装上身「露肉」

陈晓东回归即将举行世界巡回演唱会，2月10日率先系澳门威尼斯人金光综艺馆开骚，最近不时见到陈晓东身影，仲同粉丝互动，不停操肌嘅佢仲成日甫相，粉丝真系大饱眼福！
不过近日东东放咗张「鲜肉相」上网，原来系佢自己着咗件鲜肉咁款嘅红色外套，成个Lady Gaga咁样喎！东东搞笑讲当自己系鲜肉，仲话：「说！这还够不够『大鲜肉』？i'm out to kill！你们别放狗！」原来件衫系喺北京嘅老婆买嚟送畀佢，等佢有个好意头咁话！
离开香港乐坛15年，去年陈晓东决定回归，为打响头炮，东东落足力，特别排练长达10分钟的劲歌热舞环节。早前他接受访问话，跳到身水身汗：「我唔系唱跳歌手，唔会勉强自己好似做马戏团咁要做高难度动作，只会希望令观众睇得开心而发挥小宇宙用心尽力排练，呢part舞曲好有纪念性，见证当年光辉岁月，好似大家熟嗰啲歌如《结他》、《心理游戏》及《特务》等，到时会用全新音乐炒埋一碟，仲以崭新舞步去包装，同以前唔同晒，等于由零开始重新去学，我希望观众会感染到现场气氛玩得开心啲，热情澎湃啲。」