【望网络暴力减少】曾志伟已起诉韩姨 痛心明星足球队旧闻被翻炒

曾志伟今午为近来的性侵疑云开记招，不设问答环节，分别以广东话及普通话发表内容，整个记招历时10分钟左右。

曾志伟表情沉重回应近日的传言，「各位新闻界嘅朋友大家好，辛苦大家。最近喺网络上面出现咗一啲不实嘅报道，呢啲针对我嘅报道系非常严重嘅指控，已经影响咗我个人嘅声誉，更加令我难过，系连身边支持我嘅朋友，我挚爱嘅家人、仔女，甚至乎明星足球队，都遭受到不必要嘅伤害。我觉得我有必要行出嚟，作出最后一次公开嘅回应。」

针对「曾志伟性侵蓝洁瑛」的传闻，曾志伟表示「我可以同大家讲，系完全捏造，尊重女性系我坚持嘅原则，我愿意配合任何形式嘅调查，我亦都坚决用法律嘅手段维护我嘅声誉。」

另外，再有一名自称「模特儿教母」的内地女士韩颖华，在社交平台连番直指曾志伟卷入性侵，曾志伟回应：「对于韩女士的不实指控，我已经采取咗法律行动去起诉佢，目前已经走紧法律程序。」他称有指控关于明星足球队：「话我哋足球队借慈善赛为名，寻欢为实，其实呢个报道喺2006年，当时我哋已经控告对方诽谤而作出胜诉，但咁多年后竟然再有有心人攞出嚟抹黑，我非常之难过、唔开心。」

已采取法律行动的曾志伟坦言：「希望法律可以畀我一个最终嘅结果，还我一个公道，但我更加希望通过网络发布，传播不实报道、恶意中伤他人嘅坏风气可以早日停止。网络当然带畀我哋好多便利，但系亦俾立心不良嘅坏份子，更容易利用网民嘅不知情去混水摸鱼，操纵大众情绪去伤害他人，事后佢哋又唔使付出任何代价，呢个系最悲哀。」

曾志伟续说今次开记招的原因是想网络暴力得以抑止，「以往我对于失实报道，都系不闻不问、不瞅不睬嘅态度，因为清者自清，使乜回答佢，点解要畀对方炒作嘅机会去达到目的呢？但系喺今时今日嘅网络世界，似乎已经行唔通。今次呢件事令我深深明白，如果对造谣或者传谣者一味忍让，又唔令佢哋付出代价，只会令网络暴力愈来愈严重，真相愈来愈难见天日，谣言同网络暴力系一时，但系对相关人造成嘅伤害系一世。」他希望同类事件及被害者可减少，今次的性侵疑云事件已进入司法程序，日后不会再回应相关事件。

坐在曾志伟身旁的林嘉仁大律师在记招结束前补充几句：「根据香港法律，转载诽谤性嘅讯息都属于诽谤，都有可能有民事法律责任，希望所有人都删除同停止发布，同埋停止转载任何诽谤曾志伟先生嘅文字或者讯息，多谢大家。」