赵学而搏到尽真空拍红馆个唱海报：老公唔会理啦

赵学而明年入行将近30周年，终于能一尝踏上红馆开个唱之梦，为了4月28日举行的红馆个唱，学而早前拍摄了演唱会海报，全程真空上阵，她笑言自从当了人妻后，从来未试过如此大胆，里面坦荡荡，所以拍摄过程她最紧要都是叫大家帮手睇住不要走光。
入行30年才首踏红馆，学而笑言已为演唱会开了万次会，说：「咁难得红馆喎！虽然我一把年纪但都会搏命尽力啦！我谂住到时跳火圈吞火剑，超级无敌十字步呀咁都会做！哈哈哈！跳劲舞呢啲就到时大家入场睇下有冇……服装方面都研究紧，老公唔会理我控制我啦，一人做事一人当，我自己决定就得。我依家最大难题系太瘦，一定要好努力增肥。为咗增肥，我已日食6、7餐，除咗瞓觉，无时无刻我都喺到食嘢咁滞，希望到时大家唔单止睇到我这个小骨女一个骨骚啦！」
去年九展演唱会，两场门票秒杀，今次去红馆，只开一场，是否太保守？学而说 : 「睇观众反应啦，如果反应好好，就同大会研究下，系咪可以加，依家真系唔敢咁贪心，可以唱一场已经好开心。」至于演唱会嘉宾，学而就谓当然想搵好多朋友来一齐玩一齐开心啦，不过又怕烦到朋友，所以仍未有未决定方案，总之圈中好朋友们，想舒舒服服坐观众席捧场，又或者主动想上台一齐玩，她都无任欢迎 。