正爸不舍以爱遭正妈怒掴 夏雨：拍到我都顶唔顺要喊

「正妈」李司棋于剧集《溏心风暴3》怒掴爱女以爱（陈敏之饰演）终于在昨晚的一集播出，这场戏虽然一早在网上被剧透了，但真的要睇足本先睇到戏味及演员的演技。「你系咪冇男人唔过得世？」、「你去做鸡啦！」、「你点解咁贱！」、「你去死啦！」、「最抵死嘅你！」、「如果个老婆畀车撞到你点算好，我话你点算好？」、「佢丢晒我哋祖宗十八代嘅架！」、「我好丑，我想搵窿捐！」网民连对白都记得清清楚楚，话「睇咗以爱偷情咁耐，真系好嬲佢，呢集正妈闹佢真系大快人心」之馀，仲大赞：「嗰两巴打落去亦都好逼真。今次三个人好夹，司棋姐演活母亲对女儿做第三者之愤怒，夏雨演活爱女之心，敏之就做到执迷不悟嘅感觉。」
「正爸」夏雨受访时亦有提及这场戏，但就讲错「敏之锺意有夫之妇」，其实是「有妇之夫」。夏雨谓这场戏司棋火爆闹打女儿，他就不舍女儿被打，因为女儿变得这么孤僻他要负上好大责任，是女儿小时候的阴影，所以他要尽量要按捺著正妈，他两边安抚著自觉剧情感人，说：「我都拍到自己都顶唔顺，感情戏去到嗰个位系要喊，因为戏系到咗嗰个位，屋漏兼逢夜雨。」（电视截图）