杨千嬅开骚撮合情侣 公开老公减压秘方超爆笑

杨千嬅于平安夜在红馆举行第二场演出，换了3套全新靓造型出场，迎接普天同庆的圣诞节。她还亲自传授老公丁子高减压秘方，将灵魂由脚趾连接上脑袋，全场爆笑！ 普天同庆日子，观众亦特别热情，快歌慢歌都全场大合唱。千嬅不时与观众互动，开骚后千嬅问大家平安夜想点玩？全场大叫「唱到12点」！千嬅说：「系喎，冇谂住平安夜倒数添，冇向红馆申请呀，你哋买31号张飞嘛，咁就一齐倒数！」 唱《可惜我是水瓶座》时，千嬅换了新造型出场，黑色单袖全身长裙，弗爆身材加上状能大勇，观众如痴如醉大合唱。之后她说：「我希望大家都做到自己嘅理想、愿望达成、搵到喜欢嘅人同佢表白…今日有无人系识咗新朋友买飞带佢嚟睇，想发展吓㗎？好多男女睇我演唱会搞掂咗，我助手都系睇我演唱会识咗佢老公，结婚生仔，好旺㗎！」台下有人大叫「有」，千嬅兴奋问他是否演唱会期间成功表白？观众答「系」，千嬅笑说：「我唱咗2个钟咋喎，就变咗男女朋友？我啲歌真系好劲！」 另一个新造型就是唱《野孩子》时亮相，白色裙襬就如巨型圣诞挂饰，甚有节日气氛，夸张又抢眼，全场哗然！但裙襬又长又重令千嬅却举步为艰，她搞笑求救，说：「我条腰好冤（酸痛），有冇人上台帮我按摩？」讲到有压力要放松，千嬅表示老公丁子高是高手，说： 「我以前好介意人哋讲我乜乜物物，依家唔介意，因为咁即系有人关心和留意我，就算嗰啲说话令我好嬲、好忟憎，都值得珍惜！以前我好执著，后来被我先生（丁子高）薰陶，但我慧根领悟唔到！例如今次搞演唱会前期好紧张，某日有啲嘢唔顺利搞到我好忟，丁生叫我坐低，冷静吓！」 千嬅模仿丁子高慢慢说：「合埋对眼、深呼吸，谂住你个脚板底（全场爆笑）由脚趾感受当下，连接身体，由脚趾到脚板底，上小腿到大腿……」，千嬅说：「佢由脚趾讲到个脑，足足讲咗15分钟，其实我当时仲系好嬲好忟，但冇再讲，因为我知我再讲只会更严重。虽然我冇成功连接到我身体，但丁生成功咁连埋我把口！你哋都可以试吓，原来呢种『冤』都可以增进感情！」全场爆笑。