胡诺言仔仔扮比卡超 学行「跌跌吓」萌爆！

又到圣诞！真系好耐无收过圣诞卡啦！不过胡诺言（胡仔）与陈琪嘅仔女就令唔少粉丝关注，除咗佢哋好得意之外，仲成日系网上同大家玩，最近，两名囡囡仲手绘圣诞卡送俾粉丝，真系睇见都冧！ 妈妈陈琪系facebook话：「终于写哂所有圣诞卡， 每一张都系我亲手写， 仲有小朋友自己签名！ 我知道数量唔够， 明年再印多啲！！ 不过都要祝各位朋友无论系香港定系海外 圣诞节快乐🎅🤶」。原来佢准备咗两名囡囡 Jay 同 Jacey 设计嘅圣诞卡各30张送俾大家，结果反应热烈，20分钟内全部被朋友攞晒 。 除咗家姐抢镜，细佬亦都唔输蚀，孻仔胡浩锟（Jayden）去年10月出生，不经不觉已经1岁多啲，Jayden最近扮比卡超学行，搞到妈咪都忍唔住，「如果大家有捉Pokemon Go， 千祈唔好漏咗捉呢一只。 因为只要捉到， 应该可以加到好多分！因为呢只Pokemon实在太可爱， 捉到应该唔舍得放走佢💥。」