胡諾言仔仔扮比卡超 學行「跌跌吓」萌爆！

又到聖誕！真係好耐無收過聖誕卡啦！不過胡諾言（胡仔）與陳琪嘅仔女就令唔少粉絲關注，除咗佢哋好得意之外，仲成日係網上同大家玩，最近，兩名囡囡仲手繪聖誕卡送俾粉絲，真係睇見都冧！ 媽媽陳琪係facebook話：「終於寫哂所有聖誕卡， 每一張都係我親手寫， 仲有小朋友自己簽名！ 我知道數量唔夠， 明年再印多啲！！ 不過都要祝各位朋友無論係香港定係海外 聖誕節快樂🎅🤶」。原來佢準備咗兩名囡囡 Jay 同 Jacey 設計嘅聖誕卡各30張送俾大家，結果反應熱烈，20分鐘內全部被朋友攞曬 。 除咗家姐搶鏡，細佬亦都唔輸蝕，孻仔胡澔錕（Jayden）去年10月出生，不經不覺已經1歲多啲，Jayden最近扮比卡超學行，搞到媽咪都忍唔住，「如果大家有捉Pokemon Go， 千祈唔好漏咗捉呢一隻。 因為只要捉到， 應該可以加到好多分！因為呢隻Pokemon實在太可愛， 捉到應該唔捨得放走佢💥。」