锺意唱情歌 16岁黄淑蔓自爆失恋狂食疗伤

16岁的黄淑蔓（Feanna）凭电影《哪一天我们会飞》主题曲赚人气，近日她推出新歌《那一年零一个月》，其唱片公司出面邀请到她的「男神」周柏豪作曲，令她非常惊喜，开心到傻。日前Feanna拍新歌MV，提到男神替她写歌，她说：「公司知道我好锺意周柏豪，当为我筹备第二首歌嘅时候，就邀请咗周柏豪帮我写咗呢首歌，好惊喜，好开心呀！系我今年第一份圣诞礼物，公司系我嘅圣诞老人啊！」她又说：「好多谢公司畀我唱我锺意嘅爱情歌，好似今次呢首讲失恋点样振作，我觉得好多同龄嘅人都试过失恋。」 Feanna自言失恋就会化悲愤为食量，「食好多好多嘢，总之不停搵嘢畀自己做，又会搵朋友出嚟饮嘢食嘢倾偈、不停唱歌，去自修室读书同不停做功课。」在MV中，扮失恋的她躺在梳化流眼泪，又抱著公仔跳舞，镜头前有点伤感，但镜头后她常常忍不住爆笑，令导演要不断喝止她。此外，踏入年底多个乐坛颁奖礼举行在即，作为过来人的Feanna为今年的新人打气：「希望你哋继续加油，坚持唱自己锺意嘅音乐。」