【被嘲少戏拍】杜汶泽闹爆DJ 澄清冇食软饭

杜汶泽自编自导自演的新片上映在即，近日他上商台接受访问兼宣传，因被DJ激亲令他火都嚟埋，昨日他在社交平台斥DJ问及多年前他与吴君如、刘德华传不和的问题，今日杜汶泽再以千字文开名怒轰该DJ在访问前笑指「等咗呢个访问你嘅机会好耐，你知你几少戏拍㗎啦！」 讲到工作量少都是基于政治立场，杜汶泽感言「我都好贪钱！但系，就好似逆权司机一样，人，到咗一啲moment ，会因为人性，而忘记咗原来入行嘅目的，忘记咗原本只系想搵钱。」他被朋友疏远你，被敌人嘲笑，原本1年拍8部戏有近二千万收入，到1年得1部戏，连饮食节目、KOL都捞埋。杜汶泽讲到玩开的朋友都不想甫合照，因怕他的关系影响到内地的生意，他直言：「我心谂，如果我因为做嘢做得唔好，我唔红，咁我抵死。但系封杀前我做主角嘅戏响香港收三千万，咁又系咩玩法？但系如果因为我嘅立场而输，咁我唔会觉得自己羞耻罗。」 提到被媒体写食软饭、靠老婆田蕊妮搵银养家，杜汶泽反驳：「其实我早几年搵落嘅钱，写我嗰个，一世都未必搵到！层楼我买嘅食我嘅著我嘅连佢揸紧架Ben屎（Benz）都系我送嘅我点样食软饭呀？你今日买咗楼比（畀）你老婆未呀？试过去睇医生，撞到个八婆，佢叫我唔使咁辛苦，叫个老婆出嚟做咪得罗！如果我叫得郁我老婆出嚟做，我会叫佢做杀手，第一个就杀你个XXX。」 不认输的杜汶泽感谢疏远他的人，激励他花了数年时间考上空手道黑带，写了新片剧本，「既然我咁难得有戏上，希望大家多多支持！大家唔使安慰我，我安慰返你！不必怀忧丧志，在艰弥励，战斗到底！」