林作假电话留畀经纪 网民斥「个号码系老人家」扬言报警

林作又惹祸！继早前突然大爆妈咪王莉妮遇上经济困难，更直指家中的经济环境急转直下，要卖楼周转，结果招至一大班地产经纪跟进！点知林作又再发文，话要致所有地产经纪，「由于你地阻紧我接job，因此依家凡系接到经纪电话，我会接，然后同你讲，由于你冇留意「市场消息」话我唔再覆电话讯息，我会马上block咗你。」 不单只咁样，佢仲留咗个只有7个字嘅电话号码出嚟，话「况且层楼又唔系我嘅，冤有头 债有主，应该搵我妈妈先系㗎！佢嘅电话系」。 但事件就引起网民好大反应，唔只一个人留言咁讲，有人质问「林生，你肯定个电话号码系啱？ 呢个电话号码嘅持有人系一个退休嘅老人家，请你搞清楚先好post」，仲扬言「如果你呢个post令该老人家受到不必要嘅骚扰，我会报警及采取相关行动，谢谢」。 林作妈妈去年以6,000多万元购入麦当奴道的3,000多尺复式豪宅，有传是给林作与麦明诗结婚之用，可惜两人分手。有网民质疑瓣数多多的林作为何会呻穷，亦有网民指林妈妈卖楼的话，从另一角度看可能是眼光独到「高位套现」之举呢！