台风有假放！Bob陆永带囝囡两家开Party

等放台风假唔只系普通打工仔嘅愿望，就连平日开厂开足N日嘅艺人都有呢个心愿。最近日日系《老表毕业喇》见到阿BOB，不过再次成为爸爸嘅佢，忙到甩辘，噚日终于有时间陪老婆囝囡，仲去埋陆永屋企一齐玩，难怪连佢自己都慨叹「唔系打风，我谂要约多半年先成事」！ 林盛斌（Bob）细仔林道申（Jaye）8月底出世，一家6口人才济济，Bob太太早前亦宣布封肚，要享受家庭乐并唔容易，因为一家六口要照顾真系开支大。不过噚日台风假，终于有得抖抖，仲同好友陆永全家一齐玩，之不过影相时，竟然陆永两个女囡都唔望镜头到底咩事呢？阿BOB都留言话：「唔系打风，我谂要约多半年先成事，终于见到两位陆小姐同特别嘉宾洪先生.... 点解净系我三个女望镜，陆生你屋企系咪有嘢？」'