JW预演红馆骚展舞技

JW王灏儿昨为明年1月6日红馆演唱会于圆方举行预演，请来数十名粉丝到场欣赏！并宣布门票于10月19日公开发售！她表示歌手开骚前通常都会开记者会，所以今次希望特别一点举行预演，可以直接唱歌给大家听，让大家预先感受一下。 她表示心情十分紧张：「平时Uncle、Auntie会叫我唱几句，但通常好少人，我喺好光嘅地方就特别紧张。如果个场大啲、暗啲我反而冇嘢。不过都OK，之前同班乐手练咗几次。」她更透露自己3个月前已经开始练舞：「今次跳舞Focus喺自己度多啲，可能得2、3个人一齐跳，所以要加紧练习！不过觉得好有挑战，细个都有跳呢类舞，我都锺意咁样，好想好似Beyonce咁有跳舞表演，不过唔会太多，主要都系唱歌，Rundown都差唔多定好晒。」 至于嘉宾方面JW透露： 「已大致没有问题，尚有些有待确实，得一晚，好希望成晚都系惊喜，呢个机会太难得，要留多啲时间畀自己唱，一场真系唔够，希望迟啲再有机会。」 被问到这么忙不够时间拍拖？她说：「OK嘅，我最叻Balance。」（男友会嚟睇？）会，我个个朋友都好好，个个都话买飞支持，冇话要攞飞。（男友会否包场？）冇，成班人一齐买。」问到男友会否上台送花？她笑言红馆很难送花，但可以放在外面。而JW说每次开骚都一定会邀请前老板黎明和旧同事来看，不过知道对方很忙，已留了门票给他们。