孖郑俊英蜜游釜山 雨侨错著比坚尼晒到燶

雨侨（Ava）与韩国男歌手郑俊英早前在釜山拍摄新一辑的韩国旅游节目《都市蜜游》即将推出，此行Ava试过同郑俊英齐坐吊车上山顶、食海鲜，又到访韩剧《鬼怪》的灯塔景点。不过去到海云台海滩，浪漫就开始走样，Ava笑说：「节目组叫咗我哋准备泳衣，我就着咗比坚尼，点知去到系好晒，啲韩国人着晒防晒衣，郑俊英仲带晒帽着晒长袖衫，我就晒到燶晒，可谓老猫烧须，结果要去韩国护肤品店买防晒品急急咁搽，但膊头都系晒燶咗。」 搞笑事还陆续有来，Ava和郑俊英乘坐的专车，车厢内装上5、6部摄影机，拍摄两人在车内的对话和动作，但Ava却因为我太累睡著了。她说：「唯一同郑俊英喺车厢入面嘅秘密对话系：『唔该，我想问个櫈背点样可以再瞓低啲？』跟住我就瞓番，到醒咗时好似浪费咗工作人员喺车度拍摄嘅一番心机。」