囡囡中秋初体验扁嘴喊晒 谢安琪：要向哥哥拜师学社交

今日中秋佳节，人月两团圆。好妈妈谢安琪（Kay）昨晚带埋囝囝张瞻同半岁大的B女张靖（Karina）参加屋苑的中秋迎月晚会，老公张继聪要拍戏冇份去玩。与邻居赏月、倾偈、影相，Kay都话囡囡一开头状态不错，脚仔撑撑有威势，点知愈来愈多人过来打招呼时，人仔细细第一次过中秋的Karina喊起来，Kay唯有带仔女到楼梯顶远离人群，让囡囡平复心情。 Kay心想可以同朋友吹水、吹风，不过Karina远远望住人群依然惊惊猪，Kay就话：「表情楚楚可怜仲一脸无辜，我都唔忍心要佢久留，我唯有叫哥哥自己同朋友留低继续玩，我就要同妹妹先行回家。结束历时10分钟既（嘅）赏月初体验，两兄妹性格真系大不同啊。」Kay察觉大仔半岁时已经好识社交，囡囡零舍不同有矜持，仲叫Karina向哥哥拜师学习社交技巧。 返到屋企，Kay问囡囡今晚的party感觉如何？Karina继续眼湿湿扁晒嘴仔，网民都大赞可爱，「个样好惨猪，好可爱呀」、「要啲时间适应人群」、「得闲带佢去蒲下啦」。