汤宝如开25周年骚邀老友撑场 怕再出意外舞台弃用楼梯

汤宝如（汤记）举行个唱记者会，宣布11月15日于Star Hall开骚。汤记指入行25年结识到好多朋友，若真的把所有好友也请来做表演嘉宾，会变成群星杂锦骚，故只邀请了几位很close的朋友，其中陈晓东和黎瑞恩（小恩子）走唔甩。问到不想舞台设置楼梯，是否因小恩子5年前在她的个唱落楼梯时不慎连仆数级留下阴影？汤记直认：「系呀！那条发生意外的片段，我只看了一次，但脑海中不停loop住，舞台上落楼梯真的很危险，摆放就OK ，但不要行，所以我会要求用升降台。」 为个唱积极Keep fit的汤记又指太忙无时间运动，先从饮食入手，她说：「先戒淀粉质，但搞到有躁狂症似的，不过都无法，忙到今个月夹夹埋埋连见个仔都无24小时。（儿子有否投诉？）有呀，唯有叫佢畀心机读书，到时来睇演唱会，不过佢未必想睇，话要返学，佢嘅期先难mark。已经10岁仔，会自己话事无得逼，最紧要佢舒服。（会否陪儿子温书？）唔会，我试过了，但本身躁底，争啲除鞋兼攞藤条，唔想因为咁样破坏母子感情，宁愿放手畀人教；加上依家啲课题好深，有时还要查字典。」 提到只办一场个唱是否够喉？汤记坦言：「够喇，已经要好用力，会唔会加场再看心情。其实原本我想舒服少少，下月初会出新歌，想万事俱备下再办个唱，场地是红馆；但公司认为今年是25周年纪念好应该开骚，再继续入纸申请红馆期。其实对我而言数字系唔重要，相信周慧敏开完30周年演唱会，下次再开都唔会提几多周年。如果再开，我想搵个男歌手合作crossover，有好男人唔该介绍下。」