警察扶伯伯过斑马线获赞「好有爱」 网民叹司机唔让路

香港的斑马线与红绿灯不同，只有一盏黄灯提示，根据运输署道路使用者守则，「如果有人喺斑马綫上，就要停车畀行人过马路。」网上近日流传一张图片，指一名伯伯在斑马线数分钟都不敢过路，一名警察协助伯伯过斑马线，网民均大赞好人好事，又指香港不少司机于斑马线都不懂先让行人过路，叹司机不懂法例。 上载图片的网民指，「唔系呢位阿蛇（Sir），应该无车会停俾（畀）阿伯过路，见阿伯成几分钟都唔敢过又无车让佢，其实啲人知唔知要停车让人过斑马线㗎！好在有你」。有网民批评上载图片者「其实下次你都可以帮手架，睇左几分钟咁耐都应该帮到」。 有网民呻司机不守规矩，「我试过紧班马线仲要比车呠呀」、「试过因为让斑马线而俾后车呠...D（啲）人都唔知咩心态...例已经写到好清楚斑马线唔让行人等于冲红灯，当年我考车就返试场嘅时候有个伯伯想过斑马线，如果嗰阵我冇停车我一定肥，所以我好深刻，喺斑马线前都会慢车睇睇有冇人想过，有就一定让。」 但亦有司机表示到斑马线会一定让行人先行，「朝朝都停，等班学生哥冲入学校😂理得后面呠唔呠我」、「我都试过停斑马缐俾人砵，好似做错咁」。