【港姐】网民嘲雷庄𠒇似细哨 接任演癫姐

《2017香港小姐竞选》今晚落幕，雷庄𠒇、何依婷、黄玮琦分夺冠亚季军，网民留言最好睇，对于8号伍乐怡大热倒灶，不少网民都话好失望，并心水清地直指泳装答问环节中，冠军雷庄𠒇同样表演麻麻。有人话「8号虽然答得唔系咁好，但5号同样唔得，8号索颜好，只是今晚比较紧张」。再有网民力撑五强止步的伍乐怡，「希望8号可以有剧拍，做到呢行」、「佢个样系咁多个入面最有星味」、「8号越睇越靓，竟然三甲都无」。 对于5号雷庄𠒇成为新一届港姐冠军，网民都话意想不到，笑指雷庄𠒇棚牙太哨、讲中文又麻麻，「5号连中文都唔识，仲话住咗香港10年」、「5号今晚好sharp够台型，由出场开始佢每套衫都系最靓最抢眼！但佢个样我真系唔识欣赏！」、「细哨攞冠军，真系咁都得」。 有网民更搞笑指雷庄𠒇似足《踩过界》中，「癫姐」蔡思贝的哨牙Look，提议《踩》剧添食可找雷庄𠒇做癫姐，因为唔使戴假牙。另外，五强换上晚装出场听三甲结果时，穿上蓝色透视裙的雷庄𠒇比起著粉色裙的佳丽明显突出，令网民怀疑造马，「人人著白色衫...只有5号著紫色衫..企中间位」、「实质就全部都系事先安排好晒，内定晒」。 另外，宣布4号黄玮琦夺得季军后，又改由星级导师郑裕玲（嘟嘟姐）、草蜢、宣萱等人选出冠军，成个过程似足街市买菜。有最后话事权的嘟嘟姐更问现场观众睇好边位佳丽做冠军，任观众大嗌。网民因此表现嬲猪，「咩都郑裕玲最后话事，咁不如净系佢一个做评判算数」、「真系一年差过一年，最恐怖系佢又要做到懒民主懒开放咁，最后有得决定嘅人相信都唔系当下果一刻决定，而系事先已经知道」。