爷爷洪金宝带TJ到少林寺学武 周家蔚举脚赞成

周家蔚与大仔洪大仁（TJ）出席活动，母子同穿上迷彩装，TJ表现活泼，手舞足蹈大耍功夫。周家蔚笑指TJ应该是自学，说：「佢睇过爷爷（洪金宝）嘅经典电影，当时都仲好细过，佢好留心咁睇晒，应该仲记得。你知啦！爷爷、元华叔同元彪叔嘅电影好犀利，跳来跳去。」 问可考虑正式给TJ学武术？她说：「会啊！爷爷话带佢去少林寺。（最快几时？）爷爷话最快可以下年暑假，咁到时我都会跟埋去。其实都好，畀佢学吓平淡生活，学喺城市学唔到嘅嘢。（老公唔肉痛？）爷爷提议，我哋最听老人家话。通常都系爸爸妈妈教，爷爷嫲嫲宠。依家爷爷唔介意，我举脚赞成。」

此外，周家蔚将于本月25日34岁生日，她透露已陆续跟朋友吃生日饭，但就未跟老公洪天明定好日期庆祝。她笑笑说：「我同佢讲我个期就满，佢真系好勤力，我知佢努力工作，系想畀更好生活我哋，但系佢话瞓唔到，好多嘢谂，我怕佢辛苦。正日希望天明同我几个好姊妹一齐庆祝。」（摄影：骆震宁）