洪金宝明做膝盖手术 复原需时半年不停工

洪金宝出席电影节活动，透露明日做膝盖手术，复原需时4至6个月，但他不会停工，会返公司开会，也不怕为自己的新戏亲身上阵，因为11月才开拍，尚有3个月时间；更笑谓做完手术后会坐住轮椅周围去。他说：「做完手术第1、2日，我不敢周围行，两日后睇下咩情况同活动能力去到边？要6个月时间复原，意思可以行街，甚至乎要我踩单车、游泳。（好似刘德华会做深蹲动作？）唔会啩！」

问到可有见过二子洪天祥的女友刘奕儿？他说：「见过一次吃过饭，几好呀！其实我地睇表面，因为对住时间唔耐，第一个感觉个女仔斯唔斯文同有冇礼貌，好与唔好个仔去评论！系唔理得咁多，唔到你理。希望三个仔都娶老婆生仔，个女快啲嫁出去又生仔女，一家人有15、6个小孩就最好。我较老式思想，家庭愈多人愈热闹就愈稳固感觉。」 （摄影：邓国良）