【又死server？】TVB开骚谷新App网民呻入唔到　嘟姐：畀啲耐性

TVB旗下的免费手机直播应用程式「大台网」（big big channel），今日正式启动，个App有游戏玩，亦有唔少主题专区提供不同资讯。今晚TVB专登搞埋直播特备节目狂谷新App，群星拱照加埋网红KOL推介，兼且不停叫口号呼吁大家下载新App，十足慈善骚叫人打电话捐款。可能太多人涌入big big channel，搞到唔少网民都投诉入唔到个App，Load极都系「网络繁忙，请稍后再试」，真系有啲丑怪。主持人郑裕玲（嘟姐）即在直播骚中试图安抚大家：「依家big big channel系有啲塞车，大家畀啲耐性。」

同类事件令人不禁谂起2012年港姐玩「普选」，临门一脚死server，网民冇得投票，临场由评审选出三甲。今次Sell新App又有死server事件发生，有些少失礼喎。 另外，TVB为谷big big channel，揼本每位艺人送一部iPhone 6S，加埋上网plan，叫艺人多多开Live。陆浩明直击拎iPhone一刻，仲话：「哗，好似抢包山咁热闹，大家快D睇片啦」。