颜卓灵踢走清纯做恶女：未见过我真面目咪话锺意我

颜卓灵（Cherry）以乐坛新人姿态再有新歌派台，今次《恶女》踢走可爱清纯形象，全新恶形恶相示人，原来这个「红眼恶女」才是Cherry的真面目！ 日前Cherry为这歌拍摄MV，其中一个造型就是火红色眼影、硬崩崩假发、黑白分明服装，加上一副生人勿近的表情，炎炎夏日都有一阵寒意入骨！Cherry谓这歌旋律有少许情歌味道，但她自称性格不适合太重的爱情元素。她说：「大家见我有啲肉地好可爱，又有只爆牙，好似好开心咁，其实真正嘅我唔似表面咁。外表系天生，但内心和性格系好个人。我呢个人生得太可爱，成日都被标签好开心、好阳光，仲跳埋舞跳跳紥，其实我另一面嘅我成日会胡思乱想，又会好恶，反差太大，会令人好惊讶！藉住呢首歌我想同大家讲，我份人就系咁㗎啦，未睇清楚我真面目之前，唔好贸贸然就话锺意我。不过，之所以我会展示咁真实恶样嘅人，都系我好珍惜、珍贵嘅人！」「见识」最多Cherry真面目的人，当然是最亲的妈咪，她自爆小时候经常与妈咪吵架，曾经一次发脾气大力闩门夹伤妈咪只手，非常难忘！

此外，Cherry透露MV裹还有另一个较温柔的造型，跟「红眼恶女」来个大反差，亦为此她特别抽了几日学现代跳舞。Cherry 说：「我本身都好锺意现代舞，但拣咗跳街舞，唔系后悔，只系如果再有更多时间，我会去学现代舞。今次为拍MV去学咗3日舞，每日花好多时间练习，但唔觉得辛酸，因为系自己好锺意嘅事，就算受伤擦损流血都唔介意！」除了现代舞，Cherry表示最近接触了Pole Dance（钢管舞），说：「表面上跳Pole Dance嘅女仔好性感、好优美，其实著得咁性感系要用大髀和手臂啲肉『啜』住支钢管，我尝试上钢管2秒，哗，好痛好痛呀，我谂我要多啲时间去克服和学习先至可以表演畀大家睇！」