3男臣轮咀虾头阿田放笑弹　黄翠如：好浪漫

无线新剧《超时空男臣》讲「袁崇焕」萧正楠、「左光斗」曹永廉及小太监「李进忠」何广沛，从明朝穿越来到现代，闹出不少笑话。在剧集未播出前已预告杨诗敏（虾头）咀匀3位「男臣」，萧正楠更唔怕女友翠如嬲猪，赞虾头「好咀，好回味！」

昨晚《超时空》播出第2集，话咁快就有得睇Kiss Kiss戏。剧情讲到饰演片场临记组长「霞姐」的虾头，聘用萧正楠3人做临时演员，不过本身系大将军的萧正楠唔肯拍下跪戏，连累虾头被人闹；曹永廉问人借手机学习现代的新事物，睇到情侣吵架后，男方锡锡即可令女方唔再嬲嬲。咁啱3人又再激嬲虾头，自动波轮咀，令虾头下火，仲耍冧话「对唔住，霞姐」，场面搞笑。 之后萧正楠又使出咀嘴一招对付发火的田蕊妮，咀到拗晒腰扮浪漫爱情剧，再放笑弹。萧正楠女友黄翠如都有撑新剧，细心Cap晒Kiss戏的图片，留言话「好浪漫」，有冇呷醋㗎？