孖胡蓓蔚叹Tea　胡定欣低胸抢镜

胡定欣早前拍完《深宫计》后，即放长假孖父母游日本，回港后再搵老友陈山聪出海晒水著相。夏日炎炎，胡定欣继续以清凉装扮示人，孖「豹嫂」胡蓓蔚、周子驹去靓靓Cafe叹茶。 周子驹仲帮两位靓女影「写真」，胡定欣拎埋花花做道具，加埋个灿烂笑容，冇得输吖。不过豹嫂就有微言：「#又搵我做司机 #又逼我衬衫」，唔好咁啦，著到靓一靓影相咪几开心。

叹完Tea，有「豹哥」单立文、张頴康同囡囡小豆加入，齐齐去食饭，补祝返张頴康去年底连夺两次「飞跃进步男艺员」奖。胡定欣开心约足大半年终于齐脚食饭，并留言：「张颖（頴）康...如果你仲有情深说话未曾讲，下餐饭...到你！！仲有终于有机会见到超可爱既（嘅）小豆，豹Uncle最好，由怕佢到同佢friend左（咗），掂！！老豆（窦）...睇你寻（噚）晚既（嘅）表现，真系可以生个黎（嚟）玩！！」