倒数1个月生B　孙慧雪晒巨肚望快脆「卸货」

孙慧雪去年底与罗天彦（Edwin）结婚后，今年2月宣布佗B，预产期为8月中。BB仲有1个月出世，阿雪个肚相当巨型，佢都透露过医生预计BB有10磅重，准备开刀生巨B。

今日阿雪再晒巨肚，自言心急生B，佗B时手脚麻痹。阿雪留言：「几时先可以卸货呢？同我同期宣布有咗BB嘅朋友都好似卸晒货啦❤最近开始持续好急好急嘅感觉！瞓醒觉时手脚都好麻痹，医生话BB好巨型，可能要开刀‍。但医生放假了，所以搵咗另一位医生帮我持续再观察下先！我问姑娘，如果突然阵痛生得呢？姑娘话到时会有办法，希望唔好食全餐」。网民都惊觉阿雪个肚好巨型，并留言鼓励「好劲呀！母亲真伟大」、「加油雪雪，一定顺顺利利」、「期待你个巨B出世 」。