【梁浸浸玩善变】郑希怡惊觉囡囡识整蛊人　阿Sa：佢似俾你恐吓

郑希怡（Yumiko）一家三口日前去泰国度假，食好嘢、睇水族馆，加上天时暑热，Yumiko唔少得带埋囡囡梁浸浸去玩水。Yumiko亦不忘晒水著相骚性感，梁浸浸亦唔惹小，晒肥嘟嘟身形，去旅行食多咗唔少好嘢都系人之常情啫。为囡囡安全著想，Yumiko帮梁浸浸著上童装救生衣落池玩水，认真重装备，锺意玩水消暑嘅梁浸浸仲每日最少玩水4个钟 ，小朋友果然充满精力。

另外，Yumiko趁囡囡擦牙仔时撩倾偈，问梁浸浸「听日玩唔玩水？」、「想唔想返香港？」、「食唔食雪糕吖？」梁浸浸一律笑住拧头又点头，搞到Yumiko惊觉：「我严重觉得你开始整蛊我啦 #刷牙talk #happygirl #女人系善变 #估唔到你咁细个就有呢个特质 #边个教你开始整蛊妈咪」。好友蔡卓妍（阿Sa）都加把嘴：「佢似系俾你恐吓多啲」。