陆汉洋Call朋友开生日P　寿星苟芸慧当面「家训」男友

苟芸慧昨日34岁生日撞正好姊妹王君馨补摆喜酒，为王君馨做完姊妹团后，苟芸慧都话留返时间搵有米男友陆汉洋庆祝。话晒二人拍拖后过第一个生日，陆汉洋都花尽心思冧女神，事前已Call齐朋友开P，送上3个生日蛋糕同花，好鬼Sweet。

苟芸慧开心分享靓相，并留言：「谢谢大家帮我准备的生日Party！今年的生日愿望是希望我爱的人都健健康康，甜甜蜜蜜」。陆汉洋亦贴图分享同女友嘅相处时刻，见苟芸慧好似讲紧嘢，陆汉洋十足绵羊专心听女友「训示」，仲话：「家训进行中 ... 生日『真系大晒』架（㗎）！你小心十月份 ...」10月轮到陆汉洋生日，到时女友苟芸慧要花心机氹男友啦。