巡视酒楼业务　陈锦鸿冧客拉生意

陈锦鸿10年前拍落嘅剧集《兰花刼》，无线最近就喺仓底挖返出嚟，仲摆黄金时段播放，旧剧得以重见天日，身为男主角嘅锦鸿，义无反顾返娘家帮手做宣传，认真唔话得。 虽然「港视」嗰边开台唔成，锦鸿一直「停产」冇剧拍，但佢并唔系完全冇嘢捞。早年，佢已经喺尖沙咀开咗间潮州酒家，近一、两年仲喺黄埔同广州开多两间，喺饮食界大展拳脚。

早排，锦鸿喺佢尖沙咀嗰间酒家出现，同埋老婆杜雯惠去返自己地头开餐，睇得出佢都好紧张啲生意，顺便四围行巡视业务。期间，有啲热情客人见到锦鸿都好惊喜，猛同佢打招呼say hello，而佢亦都好识做，笑到四万咁口走埋去冧客，仲听到佢猛咁叫人多多帮衬，认真落力拉生意。