获揼水两亿人仔拍警匪片　麦浚龙徵中女扮裸尸

麦浚龙（Juno）喺2013年执导嘅电影《僵尸》，吓亲唔少入场嘅观众，赢得好口碑，更加带起再拍僵尸片嘅热潮。最近，Juno筹拍新片《风林火山》，据知呢部新戏一样有尸体，不过唔系僵尸，而系赤裸裸嘅女尸。

最近，Juno喺社交网络诚徵年龄介乎35岁至45岁嘅女士，扮遇害人被弃尸荒野。虽然讲明女尸系戏中梁家辉嘅太太，但就要光脱脱畀人任影。查实，Juno呢出新戏喺2015年已经宣布开始筹拍，仲搵到内地投资公司揼水两亿人仔畀佢使。 Juno要求高，为咗搵演员参演呢部惊世巨作，搞足两年，今年初终于有定案。除咗搵到影帝梁家辉、男神金城武做男主角之外，影后惠英红亦落实演出。近年养尊处优嘅杨恭如亦有份参演，卡士阵容非常强劲，不过至今却还欠女尸一条。