戴「大眼仔」回春　张兆辉精灵眼碌碌

张兆辉喺无线剧集《全职没女》中，由于外形keep得好，加上演技出众，所以俾网民激赞睇得又演得。早前套剧终于大结局，有指最后嗰幕，其实留低伏线开续集，张兆辉对此就话如果开得成，希望可以原班人马上阵，益吓大家。

《全》剧大结局饭局当晚，张兆辉瞳孔望落去既大且圆，更具光泽，明显戴咗俗称「大眼仔」嘅有色放大隐形眼镜，即时回春。翻查历史，查实张兆辉戴咗「大眼仔」已有一段日子，身为美容院老板嘅佢，原来唔单止识靠戒口同做运动养生，更识追上潮流，戴埋副con，型得有道理。