想做食环署　黄秋生寸爆：冇嘢搵嘢做，有嘢当冇嘢做

黄秋生与立法会前主席曾钰成今日录影ViuTV节目《埋班》，谈到若曾主席做特首，秋生会否自荐做局长？秋生笑说：「我想做食环署，执吓垃圾、捉吓老鼠同曱甴、搞吓滴水咁，几好做。总之冇嘢搵嘢嚟做，有嘢就当冇嘢做，见边间食肆好生意就去查牌、扫场，搞到佢哋死为止！」

对于盛传陈美龄任下届教育局长，秋生再爆金句：「假如系以三个仔入史丹福做标准就有啲问题，好多人冇入史丹福都成功，咁唔通入耶鲁、哈佛就唔得咩？教育唔应该系咁。」此外，谈到内地「MMA狂人」徐晓冬「挑机」中国武术，秋生大赞他的确打得，但又语带相关说：「感觉好似返到5、60年代的香港，一个地方落后就会多呢啲嘢，睇唔顺眼就揼你，野蛮系落后嘅象徵。（他连李小龙都寸。）李小龙都成日寸人，他的年代就是落后，正如我细个都成日同人上天台只揪。」秋生又指中国武术博大精深，不是打赢一个半个就等于打跨整个中国武术，笑问曾演叶问的他有否兴趣出战？他耍手说：「我系莫问！」