Kelly Online：青瓜减肥排毒抗衰老　有助迎接炎夏

夏天好快就到，想著件小背心出街但又唔想肥肉阻住晒，食青瓜或者会帮到手，因为系一种可以美容嘅瓜菜，有丰富蛋白质、糖类、维生素B2、维C、维E、钙、磷、铁等营养成分，为我们嘅皮肤、身体提供所需。 青瓜亦有除热、利水利尿、清热解毒功效，主治烦渴、咽喉肿痛、火烫伤、仲有大家最锺意嘅减肥功效。唔单上咁，佢仲可以对抗皮肤老化，减少皱纹产生，女士们仲唔食多啲青瓜!? 青瓜三大功效 1.排毒、防便秘 佢有细纤维素，可以促进肠蠕动排宿便，所以觉得自己肥嘅朋友就可以食多啲啦；另外青瓜仲可以「清除」体内垃圾，防止肾结石。 2.护肾、缓解疼痛 青瓜汁对治疗牙龈疾病有益，成日食可以令口气清新，仲可以降低体内尿酸水平，保护肾脏，缓解关节炎和痛风带嚟嘅疼痛。 3.美容护肤、减肥 青瓜可以为皮肤提供充足养分，抗皮肤衰老，促进身体新陈代谢、血液循环，增强皮肤氧化作用，有美容功效。