余文乐开工嬲爆爆玩自闭　等志伟打边炉「探监」

余文乐及曾志伟作客节目《StarTalk》，接受主播许文轩（Edmond）专访，大谈拍摄电影《一念无明》及获金像奖提名的感受。首获金像奬男主角提名的余文乐，他説：「我认我恨过攞奬，以前有谂过著住踢死兔坐喺颁奬礼台下，但之后唔敢再谂提名，觉得好似冇乜缘份咁，我入行15年，拍过70几部戏，今次有提名觉得好合时。」乐仔又说：「以前好多导演同自己讲30岁之后，先至开始正式叫做拍戏，当时我心谂，你唔搵我拍戏可以出声，唔好用呢啲咁玄嘅藉口，以前我谂唔通，但依家35岁我谂通咗。」 曾志伟直言曾有一刻想不接拍，他说：「我唔想拍呢啲咁沉重嘅戏，自己拍戏想开开心心，所以成日拍喜剧，自己又可以笑一餐。我都为乐仔辛苦，去到片场佢嬲爆爆咁，为咗入戏匿埋喺房，讲嘢都未大声过。」乐仔说：「拍戏时我好少同志伟倾偈，因为一同佢倾偈又开心返晒。我喺片场志伟几乎日日都打边炉，佢就好似探监咁，渌好啲嘢食拎入房畀我。」 电影讲述家庭关系，乐仔表示以前同爸爸妈妈感情唔好，他说：「我细个唔系同阿爸阿妈住，因为佢地要返厂工作，佢哋话我嘅时候我会还口，话返佢哋有咩资格话我，当时我阿妈喊到成个猪头，大个先知，原来佢哋有难处，依家我成日陪佢哋。」