江美仪乜都管搞到「阿女」大爆发　网民：喊湿几张纸巾

田蕊妮在前晚播出的《迷》剧抱女儿尸痛哭抢晒焦，不过另一部剧《亲亲我好妈》支持者，继续为江美仪同剧中大女的亲子沟通问题喊湿几张纸巾。 该集剧情讲到江美仪指责大女偷偷拍拖，又霸道地不准她接亲生妈咪的电话，阿女终于忍唔住大爆发，一轮嘴不停说：「你口口声声话为我好，其实你咩都想管住晒！我想去边？同边个去？几点去？几点返？著咩衫？你又要管。我读咩科？你又要管！电话、电脑，你又要Check，仲要用假Account嚟Add我facebook，仲跟踪我添，你知唔知我压力好大㗎！我锺意跳舞，你就偏偏同我讲，你要专心啲读书，你就走咗去同我停咗佢！由细到大，咩都系你帮我拣，咩都系你帮我安排，你究竟知唔知我想点㗎？」听到眼泛眼光的江美仪，听完仍坚持说她帮女儿拣的是最好的，女儿再反驳：「咩叫做最好呀？你眼中嘅好同我心目中嘅好根本就系两回事。」 两代人的鸿沟永远循环不息，做子女的时候总不满受父母束缚，当自己做人父母就怕子女行差踏错，重蹈当年父母的覆辙。所以说剧集题材贴地，令父母与子女都有共鸣，也令不少家长观众在反思。