江美儀乜都管搞到「阿女」大爆發　網民：喊濕幾張紙巾

田蕊妮在前晚播出的《迷》劇抱女兒屍痛哭搶晒焦，不過另一部劇《親親我好媽》支持者，繼續為江美儀同劇中大女的親子溝通問題喊濕幾張紙巾。 該集劇情講到江美儀指責大女偷偷拍拖，又霸道地不准她接親生媽咪的電話，阿女終於忍唔住大爆發，一輪嘴不停說：「你口口聲聲話為我好，其實你咩都想管住晒！我想去邊？同邊個去？幾點去？幾點返？著咩衫？你又要管。我讀咩科？你又要管！電話、電腦，你又要Check，仲要用假Account嚟Add我facebook，仲跟蹤我添，你知唔知我壓力好大㗎！我鍾意跳舞，你就偏偏同我講，你要專心啲讀書，你就走咗去同我停咗佢！由細到大，咩都係你幫我揀，咩都係你幫我安排，你究竟知唔知我想點㗎？」聽到眼泛眼光的江美儀，聽完仍堅持說她幫女兒揀的是最好的，女兒再反駁：「咩叫做最好呀？你眼中嘅好同我心目中嘅好根本就係兩回事。」 兩代人的鴻溝永遠循環不息，做子女的時候總不滿受父母束縛，當自己做人父母就怕子女行差踏錯，重蹈當年父母的覆轍。所以說劇集題材貼地，令父母與子女都有共鳴，也令不少家長觀眾在反思。