拒讲大会指定稿　黎明：无理由有人唔做做蜜蜂

金句王黎明向来不会令人失望，今日以大使身份为《香港影视娱乐博览》主持开幕礼，妙语连珠的大唱反调和玩踢爆，今次的金句是「唔好有人唔做，做蜜蜂」！ 黎明现身吸引了过百粉丝到场，当司仪方健仪向黎明请教，其脸书如何于建立1年左右已吸纳了33万粉丝达神级的方法？黎明回答：「正常人啫，好坦白讲，如果我系神级就唔会坐向度，做乜仲来参加影视娱乐博览，因为我系其中一份子，仲系劳动阶层，系香港一个劳动级人民，我承认我仲要不停做嘢。脸书嘅见仁见智，每个人都有唔同际遇，每年宣传《影视娱乐博览》都好痛苦，正如我本身系歌手、又拍电影，但好多人做得好过我，可能我排到包尾，所以每年宣传、大家都好辛苦，唔系宣传就可以得到观众垂青。」 他举例著方健仪说出今年口号「全城投入，全情支持」，黎明老实不客气说：「在我个人而言系好老土！我初出道时，参加公益金和欢乐满东华就用这些做字眼。」原本方健仪想耍圆场称这些字眼是永恒，黎明却斩钉切铁道：「唔系！如果永恒就唔使叫全城支持，如果最后做唔到亦丧失永恒的意义，所以点解我们要创新！」听到方健仪指所以大会安排黎明拍一段急口令宣传，黎明又否认道：「唔关事！系最紧要有大家的支持。」继而方健仪称赞黎明这年成绩非常好，黎明再斩钉切铁否认：「唔好！」解释还想有想进步空间！ 最搞笑是方健仪指黎明早前以企鹅做演唱会的Icon，要求他以一种动物形容今个活动；唱完一轮反调的黎明索性踢爆说：「我一定要分享，呢个系大会指定嘅稿，指定要我拣蜜蜂，企鹅我只需向自己观众交代，但我无可能改变整成个行业（娱乐博览），我们始终系人类，无理由有人不做，做蜜蜂！」（摄影：邓国良）