上月受访称珍惜身边人　吴婉芳：可能有日瞓醒佢已经冇得激你

胡家骅前日猝逝，吴婉芳丧夫当然伤心欲绝，上月底她作客老友梁佩瑚网台节目《佩瑚密语》访问，讲家庭讲教仔讲佛学，她说以前好执著，每日都食同样的食物，规定自己很多生活习惯，连老公都问她：「点解你咁奇怪嘅？」 到节目尾声，吴婉芳直言自觉现在好幸福，她指若知足就一定会幸福，所以每个人都要知足常乐，及最紧要健康。她说：「健康，你真系唔知道随时呢刻，就算呢一刻我同你讲紧嘢，可能下一刻我已经走咗。人就系无常。你真系要珍惜每一刻，边个喺你侧边。就算嗰个人激你嘅，咁佢都仲激紧你。可能有一日瞓醒，佢已经冇得激你，咁你就会：『唉，唔该你激我啦！』所以我觉得，好与唔好，都应该珍惜，都系一个生活体验，一个人成长需要面对嘅嘢。」