评港铁纵火案惹抽水疑云　坤哥：曲线讽刺拍片的人

歌手吴业坤出席东华三院146周年慈善晚宴，日前港铁发生纵火案，伤亡惨重，然而坤哥竟在其个人facebook留言「火烛当然是要拍片放上网紧要过逃生啦！」闪现一会便已删除，他事后解释此举是曲线讽刺只顾拍片的人，无意抽水。 坤哥回应留言抽水事件时称：「曲线啫，作为一个不只是艺人，而是作为市民，今(前)日见到新闻指有位洋人挂住拍片吸入浓烟要急救，其实我想说如果有咩紧要事发生，都要依逃生指示离开，不要阻碍救援，不过太曲线又怕人误会，所以删除咗，在个人页面打番正常嘢，发表吓个人意见。(想讽刺人？)谂谂下都系唔好，铲咗佢好啲，近期好易中招。」问他有否中招被网民闹？ 坤哥称：「冇人话我，咁我都祝愿受伤嘅朋友早日康复，冇人想件事发生。(怕唔怕畀人话你抽水？)唔觉得系抽水，大家个价值观系咪扭曲咗，分享趣事系ok，但危险嘅事唔应该为呃like咁做，虽然我成日呃like，但系无伤大雅，唔会整人，唔系幸灾乐祸。(咁你之后写咗咩？）话点解发生咗事，啲人仲挂住拍片，希望唔好再有同类型事件发生。」坤哥坦言以后留言会小心点，想清楚再写，因大家很敏感，会抽秤一两个字眼，而他亦已经「十几」事长一智，问是不是「食好西」那次？坤哥说：「嗰句无伤大雅，平时朋友间讨论ok，但如果公众，有太多人有唔多睇法，我会收番少少，不过都多谢大家关注我。」