街头疑遇身光颈靓「呃食党」 精明港女新招对付 「照妖镜」一出即知落难真伪｜Juicy叮

「呃食党」无处不在，有精明港女早前在街头遇上身光颈靓的疑似「呃食党」骗徒，三两下手势使出新招吓退对方后，即把这个带「照妖镜」功能的方法上载至社交平台Threads与网民分享。

相关阅读：「呃食党」疑入侵青衣 「上海生意人」四围借钱食饭 街坊大爆行骗手法

楼主在帖文中讲述事件和使出新招的经过，详见下图↓↓↓↓

街头疑遇身光颈靓「呃食党」 精明港女新招对付 「照妖镜」一出即知落难真伪

楼主：劲好笑，刚刚有个著得身 光颈靓大陆女人喺街截住我。

楼主：先问我识唔识得讲中文 （普通话），我已经知道系想 问我拎钱（试过无数次啦）。

楼主：所以我用广东话答佢， 我识得听，但系唔识得讲。

楼主：佢回答我那都可以，然 后问我可唔可以买嘢食俾佢，

楼主：话佢哋呢一度搵朋友，但 个朋友又唔喺度，支付宝又限制 咗，问我可唔可以请佢食嘢。

楼主——我：（广东话）可以啊你想食咩？

楼主——我：（广东话）但系我有条件，就 系请你食嘢之后我要影相放上小红书嘅。

楼主——我：（广东话加手势）影相！小红书！

楼主：然后就走掉了～

楼主：喂呀我一开始用广东话问你 食咩嘅时候你又听得懂？一话要影 相放上小红书就突然间听不懂鸟。

楼主：呃钱都专业啲，上下戏剧班先啦。

楼主接著在回应栏补充，强调「我唔系讲笑㗎，我已经开咗个（内地社交平台）小红书acc（帐户）去面对呢啲情况，如果佢真系俾我影相放上去嘅，我会相信佢可能真系有困难，亦都唔介意真系请食一餐饭」。

相关阅读：身光颈靓「呃饭党」出没 长发女向男子落手 当街嗌ＸＸ、ＸＸ

街头疑遇「呃食党」 港女新招对付逐张睇↓↓↓↓

楼主帖文。Threads截图

楼主：我唔系讲笑㗎，我已经开咗个（内地社交平台）小红书acc（帐户）去面对呢啲情况。Threads截图

小红书。网上截图

呢招几好。Threads截图

网民讲述自己的经历（一）。Threads截图

点解一话摆上小红书就唔得？Threads截图

网民讲述自己的经历（二）。Threads截图

网民：最怕佢哋（食嘢之后影相放上小红书）厚面皮到话可以。Threads截图

网民：呢个方法超好

对于楼主的做法，有网民好奇查问「点解一话摆上小红书就唔得？？」、「乜佢哋惊小红书？ 」，有人则回应指「佢哋会俾人人肉（搜寻）到出嚟」、 「佢哋成名的机会呀」。不过，也有人担心「最怕佢哋厚面皮到话可以」、「佢哋应该唔怕」。虽然如此，网民大都赞好这方法，力赞楼主「你好醒呀！」、「呢个方法超好」、「学到嘢喇 。下次跟你咁答」、「劲，咁都可以玩返转头」、「呢招几好」。

网民分享遇「呃食党」经历

见到有人遇上怀疑「呃食党」 ，不少网民也热心讲述自己的经历，顺道警世一番：

•粉岭某屋邨都出现过类似情况，依家好多落咗嚟搵食，大家醒水啦；

•之前有两个后生女问我可唔可以支持佢地创业，身光颈靓喺度乞食真系好核突；

•我琴晚都系呀！个男人带住个老婆同个BB车话自己系台湾嚟（但东北腔），话要$300蚊塔的士去机场～我本身谂住帮佢地call（叫）车直达机场，跟住佢又话$300，一时又话$100，唔同佢玩lu。

•其实我以前都试过一次，夜晚7点几喺红磡大酒店附近遇到一个40几岁著裇衫西裤嘅男人。佢都系问我识唔识普通话，我话识。佢话那就好，跟住话佢系大陆过来，本来系等领导过来后才去食饭。但等了很久还未见到领导，问我可否请他吃饭。我答佢可以啊，话佢知，叫佢一直向前走就可以见到警察局，他们会请你食饭的。佢答好，仲谢谢我之后走咗。真系助人为快乐之本！

相关阅读：启德「美女党」被追击踎地求饶：「我求求你们，别拍了！」孭名牌袋疑专呃长者↓↓↓↓

有网民在启德发现「美女党」疑呃长者，于是展开跟拍追击近3分钟，「美女党」奔跑仍未能甩脱，一度踎地求饶：「我求求你们，别拍了！」

网民在「启德居民自由讲」FB专页发布事发影片，全过程如下：↓↓↓↓

启德「美女党」被追击踎地求饶：「我求求你们，别拍了！」孭名牌袋疑专呃长者

启德「美女党」被追击踎地求饶：「我求求你们，别拍了！」孭名牌袋疑专呃长者

有网民以「小心此人周街问人攞钱！」为题发布追击「美女党」的片段。

疑似「美女党」的女子，样貌清秀略施脂粉，孭著名牌袋，淡色毛衣搭配紧身牛仔裤，穿著年轻时髦。

片中，楼主追拍该女子，质问道：「靓女，你系咪好等钱使？成日问人攞钱嘅。」

该女子未有理会，继续前行

她以手掩嘴，似想避开镜头。

楼主的女伴这时再追问：「见你周街问啲阿叔攞钱！」

女子这时继续以手遮嘴，并突然转向飞奔起来

楼主和女伴即时追前

其女伴说：「你遮面无用㗎，遮埋只眼，笠住个头，笠埋只眼啦，乞衣！」

该女子继续不发一声，越跑越快

更将孭在背上的名牌袋，改为手持，以加快速度，企图甩开楼主。

楼主继续追击，边拍该女子，边大喊：「你系咪好等钱使啊！」「喂啊！我请你食饭啊！」

女子走向地盘附近，继续奔跑

楼主向路过途人大喊：「呢个女人，成日问人攞钱啊！周街问人攞钱！」

未几，楼主追上该女子，女子马上又用手遮蔽嘴，避免庐山真面目曝光。

楼主边拍边警告：「喂，你唔好系到搞埋啲咁嘅嘢好喎，真系睇你唔出喎！」

这时女子又再飞奔，双方再度展开追逐，楼主大喊：「捉住佢啊！」

女子跑了一会，突转头以普通话向楼主表示：「你俩干嘛？烦不烦！」

楼主即大声说：「烦咩啫，你成日周街系到问人哋攞钱，咪攞咗好多钱！」

女子未有反驳继续以手遮嘴向前走，行了一会又说：「我听不懂你说什么！」

楼主即骂道：「听不懂？呃人钱，周街问人攞钱！」

楼主这时已追拍了该女子近3分钟，期间他不断向途人「介绍」该女子：「佢周街问人攞钱，呃人钱，锺意问啲阿叔攞钱啊！」

这时女子突然踎在地上

楼主这时向她表示：「去差馆啦！」楼主的女伴则谓：「你无饭食咩？又唔似啊！」

楼主这时向女子说：「报警啦！报警啦！」

该女子听到报警，又再弹起身，向前加快步速

她并转头向楼主求饶：「我求求你们，别拍了！行不行？」

楼主女伴即说：「讲普通话，转登落嚟搵食啊！」

楼主亦喊：「搵食啊，条女！」这时女子突拔脚狂奔，快跑逃去。

网民热议事件：「好眉好貌，落多多知呢d落黎搞死d呀伯。」「辛苦楼主两位，追左佢咁耐。 佢系D呀叔面前扮可怜，顺便钓下有冇老衬。」

「楼主做得好，最好报警处理埋佢，唔好俾呢啲人咁放肆，最重要大家都唔好俾钱纵容佢地。」